ՖՐԻԴԻԿ ՀԱՐՈՒԹՅՈՒՆՅԱՆԻ ԱՆՀԱՏԱԿԱՆ ԴԻՄՈՒՄԻ ԸՆԴՈՒՆԵԼԻՈՒԹՅԱՆ ՀԱՐՑԻ ՎԵՐԱԲԵՐՅԱԼ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՍԱՀՄԱՆԱԴՐԱԿԱՆ ԴԱՏԱՐԱՆԻ ԹԻՎ 2 ԴԱՏԱԿԱՆ ԿԱԶՄԻ

Ո Ր Ո Շ Ո Ւ Մ Ը

ԱՆՀԱՏԱԿԱՆ ԴԻՄՈՒՄԻ ԸՆԴՈՒՆԵԼԻՈՒԹՅԱՆ ՀԱՐՑԻ ՎԵՐԱԲԵՐՅԱԼ

Քաղ. Երևան

10 դեկտեմբերի 2010թ.

Հայաստանի Հանրապետության սահմանադրական դատարանի թիվ 2

դատական կազմը

Նախագահությամբ Ֆ. Թոխյանի

Անդամակցությամբ Մ. Թոփուզյանի

Հ. Նազարյանի

Քննության առնելով քաղաքացի Ֆրիդիկ Հարությունյանի անհատական դիմումի ընդունելիության հարցը,

ՊԱՐԶԵՑ.

Համաձայն ՀՀ Սահմանադրության 101-րդ հոդվածի 1-ին մասի 6-րդ կետի քաղաքացի Ֆրիդիկ Հարությունյանը 2010թ. նոյեմբերի 25-ին դիմել է ՀՀ սահմանադրական դատարան խնդրելով ՀՀ քաղաքացիական դատավարության օրենսգրքի 231- րդ, 233-րդ և 234-րդ հոդվածները ճանաչել ՀՀ Սահմանադրության 18-րդ և 19-րդ հոդվածներին հակասող և անվավեր։

Սույն անհատական դիմումի նախնական ուսումնասիրությունը ցույց տվեց, որ

1. Դիմողի կողմից իր խնդրանքը հիմնավորող որևէ փաստարկ չի բերվել, դիմումն ամբողջությամբ բաղկացած է գործի դատավարական նախապատմությունից։

2. ՀՀ քաղաքացիական դատավարության օրենսգրքի վիճարկվող 231-րդ հոդվածը չի կիրառվել դիմողի նկատմամբ, ինչը «Սահմանադրական դատարանի մասին» ՀՀ օրենքի 32-րդ հոդվածի 2-րդ կետի համաձայն գործի քննությունը մերժելու հիմք է։

3. ՀՀ քաղաքացիական դատավարության օրենսգրքի վիճարկվող 231-րդ, 233-րդ և 234- րդ հոդվածների վերաբերյալ առկա են սահմանադրական դատարանի 2007թ. ապրիլի 9- ի ՍԴՈ-690 և 2008թ. հոկտեմբերի 8-ի ՍԴՈ-765 որոշումները, ինչը «Սահմանադրական դատարանի մասին» ՀՀ օրենքի 32-րդ հոդվածի 3-րդ կետի համաձայն գործի քննությունը մերժելու հիմք է։

Ելնելով վերոգրյալից և ղեկավարվելով «Սահմանադրական դատարանի մասին» ՀՀ օրենքի 32-րդ հոդվածի 2-րդ և 3-րդ կետերով ՀՀ սահմանադրական դատարանի թիվ 2 դատական կազմը

Ո Ր Ո Շ Ե Ց.

Քաղաքացի Ֆրիդիկ Հարությունյանի անհատական դիմումով գործի քննությունը մերժել։

Նախագահող

Անդամներ

10 դեկտեմբերի 2010 թվականի

ՍԴԴԿՈ/2-39