ՀՀ ՔԱՂԱՔԱՑԻԱԿԱՆ ՕՐԵՆՍԳԻՐՔ — Հոդված 324 — Լիազորագրի դադարելը 1.

Հոդված 324. Լիազորագրի դադարելը 1. Լիազորագրի գործողությունը դադարում է, եթե` 1) լիազորագրի ժամկետը լրացել է. 2) իրականացվել են լիազորագրով նախատեսված գործողությունները. 3) լիազորագրողը վերացրել է այն. 4) անձը, ում տրված է լիազորագիրը, հրաժարվել է. 5) դադարել է այն իրավաբանական անձը, որի անունից տրվել է լիազորագիրը. 6) դադարել է այն իրավաբանական անձը, որի անունով տրվել է լիազորագիրը. 7) մահացել է կամ անգործունակ, սահմանափակ գործունակ կամ անհայտ բացակայող է ճանաչվել այն անձը, ով տվել է լիազորագիրը. 8) մահացել է կամ անգործունակ, սահմանափակ գործունակ կամ անհայտ բացակայող է ճանաչվել այն անձը, ում տրվել է լիազորագիրը:

2. Լիազորագիր տվող անձը կարող է ցանկացած ժամանակ վերացնել լիազորագիրը կամ վերալիազորումը, իսկ անձը, ում տրված է լիազորագիրը, հրաժարվել դրանից: Այդ իրավունքներից հրաժարվելու մասին համաձայնությունն առոչինչ է:

3. Նոտարական կարգով վավերացված լիազորագիրը վերացնելը կամ լիազորագրից հրաժարվելը կատարվում է նոտարական կարգով։ (324-րդ հոդվածը լրաց.

19.10.16 ՀՕ-181-Ն)