ՍՈՒՐԻԿ ՂԱԶԱՐՅԱՆԻ ԱՆՀԱՏԱԿԱՆ ԴԻՄՈՒՄԻ ԸՆԴՈՒՆԵԼԻՈՒԹՅԱՆ ՀԱՐՑԻ ՎԵՐԱԲԵՐՅԱԼ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՍԱՀՄԱՆԱԴՐԱԿԱՆ ԴԱՏԱՐԱՆԻ ԹԻՎ 2 ԴԱՏԱԿԱՆ ԿԱԶՄԻ

Ո Ր Ո Շ ՈՒ Մ Ը

ԱՆՀԱՏԱԿԱՆ ԴԻՄՈՒՄԻ ԸՆԴՈՒՆԵԼԻՈՒԹՅԱՆ ՀԱՐՑԻ ՎԵՐԱԲԵՐՅԱԼ

Քաղ. Երեւան

04 փետրվարի 2014թ.

Հայաստանի Հանրապետության սահմանադրական դատարանի

թիվ 2 դատական կազմը`

Նախագահությամբ` Վ. Պողոսյանի

Անդամակցությամբ` Կ. Բալայանի

Ֆ. Թոխյանի

Ուսումնասիրելով քաղաքացի Սուրիկ Ղազարյանի անհատական դիմումով գործը

քննության ընդունելու մասին հարցը,

Պ Ա Ր Զ Ե Ց․

Համաձայն ՀՀ Սահմանադրության 101-րդ հոդվածի 1-ին մասի 6-րդ կետի` քաղաքացի Սուրիկ Ղազարյանը 14.01.2014թ. դիմել է ՀՀ սահմանադրական դատարան` խնդրելով քննության առնել եւ որոշել «ՀՀ դատական օրենսգիրքն ուժի մեջ մտնելու մասին» ՀՀ օրենքում լրացում կատարելու մասին» ՀՕ-141-Ն օրենքով փոփոխված` «ՀՀ դատական

օրենսգիրքն ուժի մեջ մտնելու մասին» ՀՀ օրենքի 2.1-րդ հոդվածի «տարիքային» դրույթի

կամ «ՀՀ դատական օրենսգիրքն ուժի մեջ մտնելու մասին» ՀՀ օրենքում փոփոխություն

կատարելու մասին» ՀՕ-141-Ն օրենքի 1-ին հոդվածի համապատասխանությունը ՀՀ Սահմանադրության 1-ին, 3, 8, 14.1, 31, 37, 94 եւ 97-րդ հոդվածների պահանջներին: Դիմողը գտնում է, որ գործի հիմքում ընկած վեճի առարկա իրավունքը սոցիալական

ապահովության միջոցի իրավունք լինելով հանդերձ` գույքային իրավունք է, հանդիսանում է դատական համակարգի անկախության գրավակններից մեկը եւ երաշխավորված է ՀՀ Սահմանադրությամբ: Միաժամանակ, վիճարկվող օրենքի դրույթն ապահովում է

երաշխավորված կենսաթոշակի իրավունքը պաշտոնաթող դատավորներից միայն նրանց

համար, ովքեր հասել են կենսաթոշակային տարիքի եւ նրանց նկատմամբ նշանակվել է

«տարիքային» կենսաթոշակ` չապահովելով այն դատավորների համար, ովքեր պաշտոնավարման ընթացքում ձեռք են բերել այնպիսի հիվանդություններ, որոնք խոչընդոտում են դատավորի պարտականությունները կատարելուն:

Ըստ դիմողի` վիճարկվող դրույթի գործողությամբ առաջանում է անհամաչափություն. վիճարկվող նորմը մինչեւ դրա ընդունումը դատավոր դարձած եւ այդ պահին գործող բոլոր դատավորների վրա տարածելով` առողջական պատճառներով պաշտոնաթող եղած դատավորները հայտնվել են էապես անհամաչափ բեռի տակ եւ էապես նման վիճակում գտնվող անձանց համեմատ դրսեւորվել է տարբերակված մոտեցում` առանց որեւէ օբյեկտիվ հիմքի` օրենքի առջեւ բոլորի հավասարության սահմանադրական սկզբունքի

խախտմամբ:

Դատական կազմն անհատական դիմումի նախնական ուսումնասիրության արդյունքներով պարզեց, որ դիմումը սահմանադրական դատարանի կողմից ենթակա է քննության, քանի որ.

• դիմումում առաջադրված հարցերը ենթակա են սահմանադրական դատարանին,

• դիմողն իրավասու է դիմել սահմանադրական դատարան,

• դիմումում առաջադրված հարցի վերաբերյալ առկա չէ սահմանադրական դատարանի որոշում,

• դիմումի առարկայի վերաբերյալ այլ դիմումի հիման վրա սահմանադրական դատարանում գործի դատաքննություն չի իրականացվում,

• դիմողը սպառել է դատական պաշտպանության բոլոր միջոցները:

2

Ելնելով վերոգրյալից եւ ղեկավարվելով «Սահմանադրական դատարանի մասին» ՀՀ

օրենքի 31 եւ 69-րդ հոդվածների պահանջներով` ՀՀ սահմանադրական դատարանի թիվ 2

դատական կազմը

Ո Ր Ո Շ Ե Ց.

1.

«Քաղաքացի Սուրիկ Ղազարյանի դիմումի հիման վրա` «ՀՀ դատական

օրենսգիրքն ուժի մեջ մտնելու մասին» ՀՀ օրենքում լրացում կատարելու մասին» ՀՕ-141-

Ն օրենքով փոփոխված` «ՀՀ դատական օրենսգիրքն ուժի մեջ մտնելու մասին» ՀՀ օրենքի

2.1-րդ հոդվածի «տարիքային» դրույթի կամ «ՀՀ դատական օրենսգիրքն ուժի մեջ մտնելու

մասին» ՀՀ օրենքում փոփոխություն կատարելու մասին» ՀՕ-141-Ն օրենքի 1-ին հոդվածի՝

ՀՀ Սահմանադրությանը համապատասխանության հարցը որոշելու վերաբերյալ» գործն

ընդունել քննության:

2.

Սույն գործով դատավարությանը որպես պատասխանող կողմ ներգրավել

ՀՀ Ազգային ժողովին:

Նախագահող ԱՆի

ԴՐԱԿԱՆ ԴԱՏԱՐԱՆԻ

Անդամ

ՔԱՐՏՈՒՂԱ

ամներիԹՅՈՒՆ

ՍԱՀՄԱՆ

77

04 փետրվարի 2014 թվականի

UZZun /2-3

3