ՀՀ ՀԱՐԿԱՅԻՆ ՕՐԵՆՍԳԻՐՔ — Հոդված 256 — Շրջանառության հարկով հարկման օբյեկտը 1.

Հոդված 256. Շրջանառության հարկով հարկման օբյեկտը 1. Շրջանառության հարկով հարկման օբյեկտ են համարվում ապրանքների մատակարարումը, աշխատանքների կատարումը և (կամ) ծառայությունների մատուցումը, բացառությամբ «Պետական տուրքի մասին» Հայաստանի Հանրապետության օրենքի 19.7-րդ և 19.8-րդ հոդվածներով սահմանված գործունեության տեսակների շրջանակներում ապրանքների մատակարարումը, աշխատանքների կատարումը և (կամ) ծառայությունների մատուցումը: Սույն մասի կիրառության իմաստով` ծառայությունների մատուցում են համարվում նաև ոչ նյութական ակտիվների, ֆինանսական ակտիվների, բացառությամբ դրամական պահանջի իրավունքի զիջման, կրիպտոակտիվների օտարման գործարքները, ինչպես նաև այն գործարքները, որոնց դիմաց ստացվում են վարձակալական կամ օգտագործման վճար, տոկոս և (կամ) ռոյալթի: (256-րդ հոդվածը լրաց. 25.06.19 ՀՕ-68-Ն, 29.05.25 ՀՕ-175-Ն, 06.05.26 ՀՕ-234-Ն ) (25.06.19 ՀՕ-68-Ն օրենքն ունի անցումային դրույթ ) ( 06.05.26 ՀՕ-234-Ն օրենքն ունի անցումային դրույթ)