«ՀՀ ՄԱՐԴՈՒ ԻՐԱՎՈՒՆՔՆԵՐԻ ՊԱՇՏՊԱՆԻ ԴԻՄՈՒՄԻ ՀԻՄԱՆ ՎՐԱ՝ ՀՀ ՔՐԵԱԿԱՆ ՕՐԵՆՍԳՐՔԻ 51-ՐԴ ՀՈԴՎԱԾԻ 4-ՐԴ ՄԱՍԻ ԵՎ 54-ՐԴ ՀՈԴՎԱԾԻ 5-ՐԴ ՄԱՍԻ՝ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՍԱՀՄԱՆԱԴՐՈՒԹՅԱՆԸ ՀԱՄԱՊԱՏԱՍԽԱՆՈՒԹՅԱՆ ՀԱՐՑԸ ՈՐՈՇԵԼՈՒ ՎԵՐԱԲԵՐՅԱԼ» ԳՈՐԾԻ ԴԱՏԱՔՆՆՈՒԹՅՈՒՆԸ ՀԵՏԱՁԳԵԼՈՒ ՄԱՍԻՆ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՍԱՀՄԱՆԱԴՐԱԿԱՆ ԴԱՏԱՐԱՆԻ

ԱՇԽԱՏԱԿԱՐԳԱՅԻՆ ՈՐՈՇՈՒՄԸ

«ՀՀ ՄԱՐԴՈՒ ԻՐԱՎՈՒՆՔՆԵՐԻ ՊԱՇՏՊԱՆԻ ԴԻՄՈՒՄԻ ՀԻՄԱՆ ՎՐԱ ՀՀ ՔՐԵԱԿԱՆ ՕՐԵՆՍԳՐՔԻ 51-

ՐԴ ՀՈԴՎԱԾԻ 4-ՐԴ ՄԱՍԻ ԵՎ 54-ՐԴ ՀՈԴՎԱԾԻ 5-ՐԴ ՄԱՍԻ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ՍԱՀՄԱՆԱԴՐՈՒԹՅԱՆԸ ՀԱՄԱՊԱՏԱՍԽԱՆՈՒԹՅԱՆ ՀԱՐՑԸ ՈՐՈՇԵԼՈՒ ՎԵՐԱԲԵՐՅԱԼ» ԳՈՐԾԻ

ԴԱՏԱՔՆՆՈՒԹՅՈՒՆԸ ՀԵՏԱՁԳԵԼՈՒ ՄԱՍԻՆ

ՀՀ մարդու իրավունքների պաշտպանը 11.10.2012թ. դիմել է ՀՀ սահմանադրական դատարան ՀՀ քրեական օրենսգրքի 51-րդ հոդվածի 4-րդ մասի և 54-րդ հոդվածի 5-րդ մասի Հայաստանի Հանրապետության Սահմանադրությանը համապատասխանության հարցը որոշելու վերաբերյալ խնդրանքով։

Սահմանադրական դատարանն իր 23.10.2012թ. ՍԴԱՈ-73 աշխատակարգային որոշմամբ վերոհիշյալ դիմումով գործն ընդունել է քննության և գործով որպես պատասխանող կողմ դատավարությանը ներգրավել է ՀՀ Ազգային ժողովին։

Գործի դատաքննությունը նշանակվել է 2013թ. փետրվարի 26-ին։ Ելնելով գործով լրացուցիչ նյութերի ուսումնասիրման և դատաքննությանը փորձագետ ներգրավելու անհրաժեշտությունից, Հայաստանի Հանրապետության սահմանադրական դատարանը ՈՐՈՇԵՑ.

1. Պահանջել ՀՀ արդարադատության նախարարությունից գրավոր հիմնավորումներ ՀՀ քրեական օրենսգրքի 51-րդ հոդվածի 4-րդ մասի «... Եթե տուգանքը կամ տուգանքի չվճարված մասը հանրային աշխատանքներով փոխարինելու համար կատարված հաշվարկի արդյունքում ստացվում է պակաս, քան երկու հարյուր յոթանասուն ժամը, ապա նշանակվում է երկու հարյուր յոթանասուն ժամ...», ինչպես նաև նույն օրենսգրքի 54-րդ հոդվածի 5-րդ մասի «... ազատազրկման մեկ օրը հաշվարկելով հանրային աշխատանքների երեք ժամվա դիմաց» դրույթների համաչափության ու հիմնավորվածության վերաբերյալ։

2. Գործով որպես փորձագետ ներգրավել ԵՊՀ իրավաբանական ֆակուլտետի քրեական իրավունքի ամբիոնի վարիչ Ա. Գաբուզյանին առաջադրելով նրան դատարանին տրամադրել սույն որոշման 1-ին կետում հիշատակված դրույթների վերաբերյալ փորձագիտական եզրակացություն։

3. Այդ կապակցությամբ վերանայել ՀՀ սահմանադրական դատարանի 2012 թվականի հոկտեմբերի 23-ի ՍԴԱՈ-73 աշխատակարգային որոշումը և ուժը կորցրած ճանաչել որոշման 2-րդ կետը, գործի դատաքննությունը հետաձգել և այն վերսկսել 2013 թվականի ապրիլի 23-ին, ժամը 10.00-ին։

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ՍԱՀՄԱՆԱԴՐԱԿԱՆ ԴԱՏԱՐԱՆԻ

ՆԱԽԱԳԱՀ

Գ. ՀԱՐՈՒԹՅՈՒՆՅԱՆ

26 փետրվարի 2013 թվականի

ՍԴԱՈ-12