ՌՈՒԲԵՆ ՄԱՆՈՒԿՅԱՆԻ ԱՆՀԱՏԱԿԱՆ ԴԻՄՈՒՄԻ ԸՆԴՈՒՆԵԼԻՈՒԹՅԱՆ ՀԱՐՑԻ ՎԵՐԱԲԵՐՅԱԼ

ՈՐՈՇՈՒՄ

ԱՆՀԱՏԱԿԱՆ ԴԻՄՈՒՄԻ ԸՆԴՈՒՆԵԼԻՈՒԹՅԱՆ ՀԱՐՑԻ ՎԵՐԱԲԵՐՅԱԼ

քաղ. Երեւան

6 մայիսի 2008թ.

Հայաստանի Հանրապետության Սահմանադրական դատարանի 2-րդ դատական կազմը

Նախագահությամբ՝ Հ. Դանիելյանի

Անդամակցությամբ՝ Հ. Նազարյանի

Ռ. Պապայանի

Քննության առնելով ՀՀ քաղ. Ռուբեն Մանուկյանի դիմումի ընդունելիության հարցը

ՊԱՐԶԵՑ

Ռ. Մանուկյանը դիմել է Սահմանադրական դատարան, վիճարկելով ՀՀ քրեական դատավարության օրենսգրքի 404 հոդվածի 1-ին մասի 1-ին կետի և 407 հոդվածի 3-րդ մասի սահմանադրականությունը։

Դատարանը գտավ, որ դիմումի քննությունը ՀՀ քրեական դատավարության օրենսգրքի 407 հոդվածի 3-րդ մասի առումով ենթակա է մերժման «Սահմանադրական դատարանի մասին» ՀՀ օրենքի 32 հոդվածի 3-րդ կետի և ՀՀ Սահմանադրական դատարանի Կանոնակարգի 25 հոդվածի 1-ին կետի պահանջներից ելնելով, քանի որ դրա վերաբերյալ առկա է Սահմանադրական դատարանի կողմից կայացված ՍԴՈ-674 որոշումը:

Ներկայացված դիմումը ՀՀ քրեական դատավարության օրենսգրքի 404 հոդվածի 1-ին

մասի 1-ին կետի առումով համապատասխանում է ՀՀ Սահմանադրության 101 հոդվածի 1-ին

մասի 6 կետի, Սահմանադրական դատարանի մասին օրենքի 27, 28 հոդվածների եւ 69

հոդվածի 1, 2, 4, 5 կետերի, ինչպես նաև Սահմանադրական դատարանի Կանոնակարգի պահանջներին։ Պահպանվել է Սահմանադրական դատարան դիմելու` օրենքով նախատեսված ժամկետը: Դիմողը միջնորդել է իրեն ազատել պետտուրքի վճարումից, որը բավարարման

ենթակա է, քանի որ կենսաթոշակառու և եկամտի այլ աղբյուր չունի:

Դիմողը սպառել է դատական պաշտպանության բոլոր միջոցները եւ գտնում է, որ իր

նկատմամբ կիրառված օրենքի դրույթը հակասում է Սահմանադրությանը:

Ղեկավարվելով «Սահմանադրական դատարանի մասին» օրենքի 69 հոդվածի 6-րդ

կետով, Սահմանադրական դատարանի 2-րդ կազմը

ՈՐՈՇԵՑ

1. Ռ. Մանույանի դիմումը` ՀՀ քրեական դատավարության օրենսգրքի 407 հոդվածի 3-րդ

մասի սահմանադրականությունը վիճարկելու մասին, մերժել` տրամադրելով նրան

ՍԴՈ-674 որոշումը:

2. Ռ. Մանուկյանի դիմումը` ՀՀ քրեական դատավարության օրենսգրքի 404 հոդվածի 1-

ին մասի 1-ին կետի սահմանադրականությունը վիճարկելու մասին, ընդունել քննության, կազմել գործ, որով պատասխանող ճանաչել ՀՀ Ազգային Ժողովին։

3. Ռ. Մանուկյանին ազատել պետտուրքի վճարումից:

ՀԱՆՐԱՊԵՏՈՒԹՅՈՒՆ