ՀՀ ՕՐԵՆՔԸ ՀՀ 2000 ԹՎԱԿԱՆԻ ՊԵՏԱԿԱՆ ԲՅՈՒՋԵԻ ՄԱՍԻՆ — Հոդված 12 — Թույլատրել Հայաստանի Հանրապետության կառավարությանը 2000 թվականին, անհրաժեշտության դեպքում` ա) սույն օրենքի 2 հոդվածով հաստատված հատկացումների ընդհանուր գումարի 3 տոկոսի սահմաններու

Հոդված 12. Թույլատրել Հայաստանի Հանրապետության կառավարությանը 2000 թվականին, անհրաժեշտության դեպքում` ա) սույն օրենքի 2 հոդվածով հաստատված հատկացումների ընդհանուր գումարի 3 տոկոսի սահմաններում վերաբաշխել դրանք ըստ սույն օրենքի 7 հոդվածով հաստատված բյուջետային ծախսերի գործառական դասակարգման առանձին խմբերի և ենթախմբերի, ինչպես նաև ենթախմբերի ներսում, այն պայմանով, որ թույլ չտրվի սույն օրենքով յուրաքանչյուր ենթախմբի գծով նախատեսված հատկացումների ծավալի կրճատում` 15 տոկոսի չափով, կամ ավելացում` 30 տոկոսի չափով. բ) կատարել փոփոխություններ սույն օրենքի N 1 հավելվածի N 17 աղյուսակով սահմանված միջազգային կազմակերպություններում Հայաստանի Հանրապետության անդամակցության վճարների գծով հատկացումների ծավալներում և կազմակերպությունների ցանկում. գ) փոխել սույն օրենքի N 1 հավելվածով սահմանված ծախսային ծրագրեր իրականացնող Հայաստանի Հանրապետության գործադիր իշխանության մարմինները. դ) համապատասխան մարզի (Երևան քաղաքի) համայնքներին հասանելիք` «Ֆինանսական համահարթեցման մասին» Հայաստանի Հանրապետության օրենքի և սույն օրենքի 9 հոդվածի «բ» կետի համապատասխան հաշվարկված ֆինանսական համահարթեցման դոտացիաների ընդհանուր ծավալի մինչև 30 տոկոսի (Երևան քաղաքում` 50 տոկոսի) սահմաններում կատարել դրանց վերաբաշխում նույն մարզի (Երևան քաղաքի) համայնքների միջև` ջեռուցում իրականացնող համայնքներում ջեռուցման ծախսերի ֆինանսավորման համար անհրաժեշտ չափով ֆինանսական ռեսուրսներ կուտակելու նպատակով: