ՀՀ ՕՐԵՆՔԸ ԿՐԹՈՒԹՅԱՆ ՄԱՍԻՆ — Հոդված 39 — Հանրակրթության բնագավառում համայնքի ղեկավարի իրավասությունը Համայնքի ղեկավարը պարտադիր լիազորության կարգով` 1) ուսումնական հաստատությունների ինքնակառավարման սկզբունքին համապատասխան

Հոդված 39. Հանրակրթության բնագավառում համայնքի ղեկավարի իրավասությունը Համայնքի ղեկավարը պարտադիր լիազորության կարգով` 1) ուսումնական հաստատությունների ինքնակառավարման սկզբունքին համապատասխան աջակցում է համայնքի տարածքում պետական կրթական քաղաքականության իրականացմանը` Հայաստանի Հանրապետության օրենսդրությամբ սահմանված կարգով. 2) իրականացնում է նախադպրոցական և դպրոցական տարիքի երեխաների հաշվառումը, ապահովում է նրանց ընդգրկումն ուսումնական հաստատություններում. 3) իրականացնում է Հայաստանի Հանրապետության օրենքներով և այլ իրավական ակտերով սահմանված այլ լիազորություններ. 4) աջակցում է կրթահամալիրների՝ որպես համայնքային կենտրոնների գործունեության զարգացմանը։ (39-րդ հոդվածը լրաց. 24.10.25 ՀՕ-355-Ն) (24.10.25 ՀՕ-355-Ն օրենքն ունի անցումային դրույթ)