««ՍԻՆՈՓՍԻՍ ԱՐՄԵՆԻԱ» ՓԲԸ ԴԻՄՈՒՄԻ ՀԻՄԱՆ ՎՐԱ` ՀՀ ԱՇԽԱՏԱՆՔԱՅԻՆ ՕՐԵՆՍԳՐՔԻ 3.3-ՐԴ ՀՈԴՎԱԾԻ, 113-ՐԴ ՀՈԴՎԱԾԻ 1-ԻՆ ՄԱՍԻ 6-ՐԴ ԿԵՏԻ, 122-ՐԴ ՀՈԴՎԱԾԻ 4-ՐԴ ԿԵՏԻ, 265-ՐԴ ՀՈԴՎԱԾԻ 2-ՐԴ ՄԱՍԻ` ՍԱՀՄԱՆԱԴՐՈՒԹՅԱՆԸ ՀԱՄԱՊԱՏԱՍԽԱՆՈՒԹՅԱՆ ՀԱՐՑԸ ՈՐՈՇԵԼՈՒ ՎԵՐԱԲԵՐՅԱԼ» ԳՈՐԾԻ ՎԱՐՈՒՅԹԸ ԿԱՍԵՑՆԵԼՈՒ ՄԱՍԻՆ

««ՍԻՆՈՓՍԻՍ ԱՐՄԵՆԻԱ» ՓԲԸ ԴԻՄՈՒՄԻ ՀԻՄԱՆ ՎՐԱ` ՀՀ ԱՇԽԱՏԱՆՔԱՅԻՆ ՕՐԵՆՍԳՐՔԻ 3.3-ՐԴ ՀՈԴՎԱԾԻ, 113-ՐԴ ՀՈԴՎԱԾԻ 1-ԻՆ ՄԱՍԻ 6-ՐԴ ԿԵՏԻ, 122-ՐԴ ՀՈԴՎԱԾԻ 4-ՐԴ ԿԵՏԻ, 265-ՐԴ ՀՈԴՎԱԾԻ 2-ՐԴ ՄԱՍԻ` ՍԱՀՄԱՆԱԴՐՈՒԹՅԱՆԸ ՀԱՄԱՊԱՏԱՍԽԱՆՈՒԹՅԱՆ ՀԱՐՑԸ ՈՐՈՇԵԼՈՒ ՎԵՐԱԲԵՐՅԱԼ» ԳՈՐԾԻ ՎԱՐՈՒՅԹԸ ԿԱՍԵՑՆԵԼՈՒ ՄԱՍԻՆ

Սահմանադրական դատարանը, քննության առնելով ««Սինոփսիս Արմենիա» ՓԲԸ դիմումի հիման վրա՝ ՀՀ աշխատանքային օրենսգրքի 3.3-րդ հոդվածի, 113-րդ հոդվածի 1-ին մասի 6-րդ կետի, 122-րդ հոդվածի 4-րդ կետի, 265-րդ հոդվածի 2-րդ մասի՝ Սահմանադրությանը համապատասխանության հարցը որոշելու վերաբերյալ» գործի վարույթը կասեցնելու մասին առաջարկությունը, ՊԱՐԶԵՑ.

1. «Սինոփսիս Արմենիա» ՓԲԸ դիմումը Սահմանադրական դատարան է մուտքագրվել 2026 թվականի ապրիլի 14-ին:

Սահմանադրական դատարանի 2026 թվականի մայիսի 20-ի ՍԴԱՈ-77 աշխատակարգային որոշմամբ գործն ընդունվել է քննության, գործով զեկուցող է նշանակվել Սահմանադրական դատարանի դատավոր Դ. Խաչատուրյանը, և դատաքննությունը նշանակվել է 2026 թվականի հուլիսի 7-ին:

Սահմանադրական դատարանի 2026 թվականի հուլիսի 7-ի ՍԴԱՈ-161 աշխատակարգային որոշմամբ նշված գործի դատաքննությունը երկարաձգվել, գործի դատաքննությունը հետաձգվել, և գործի դատաքննությունը նշանակվել է 2026 թվականի սեպտեմբերի 22-ին, այնուհետև 2026 թվականի սեպտեմբերի 22-ի ՍԴԱՈ-208 աշխատակարգային որոշմամբ գործի դատաքննությունը՝ հետաձգվել, և գործի դատաքննությունը նշանակվել է 2026 թվականի հոկտեմբերի 2-ին:

2. Հաշվի առնելով, որ առկա է «Սահմանադրական դատարանի մասին» սահմանադրական օրենքի 56-րդ հոդվածի 1-ին մասի 3-րդ կետով սահմանված՝ նշված գործի վարույթը կասեցնելու հիմք, մասնավորապես՝ անհրաժեշտ է այլ մարմիններից պահանջել լրացուցիչ ապացույցներ, Սահմանադրական դատարանը գտնում է, որ սույն գործի վարույթը ենթակա է կասեցման:

Ելնելով վերոգրյալից և հիմք ընդունելով «Սահմանադրական դատարանի մասին» սահմանադրական օրենքի 56-րդ հոդվածի 1-ին մասի 3-րդ կետը` Սահմանադրական դատարանը ՈՐՈՇԵՑ.

««Սինոփսիս Արմենիա» ՓԲԸ դիմումի հիման վրա՝ ՀՀ աշխատանքային օրենսգրքի 3.3-րդ հոդվածի, 113-րդ հոդվածի 1-ին մասի 6-րդ կետի, 122-րդ հոդվածի 4-րդ կետի, 265-րդ հոդվածի 2-րդ մասի՝ Սահմանադրությանը համապատասխանության հարցը որոշելու վերաբերյալ» գործի վարույթը կասեցնել՝ մինչև կասեցման հիմքը վերանալը:

ՍԱՀՄԱՆԱԴՐԱԿԱՆ ԴԱՏԱՐԱՆԻ

ՆԱԽԱԳԱՀ Ա. ԴԻԼԱՆՅԱՆ

29 սեպտեմբերի 2026 թվականի

ՍԴԱՈ-213