ՀՀ ՔԱՂԱՔԱՑԻԱԿԱՆ ՕՐԵՆՍԳԻՐՔ — Հոդված 1099 — Չվերադարձվող անհիմն հարստացումը Որպես անհիմն հարստացում ենթակա չեն վերադարձման` 1) այն գույքը, որը տրվել է ի կատարումն պարտավորությունների, մինչև դրանց կատարման ժամկետի վրա հասնելը

Հոդված 1099. Չվերադարձվող անհիմն հարստացումը Որպես անհիմն հարստացում ենթակա չեն վերադարձման` 1) այն գույքը, որը տրվել է ի կատարումն պարտավորությունների, մինչև դրանց կատարման ժամկետի վրա հասնելը, եթե պարտավորությամբ այլ բան նախատեսված չէ. 2) վաղեմության ժամկետի ավարտից հետո ի կատարումն պարտավորության տրված գույքը. 3) քաղաքացու մոտ անբարեխղճության բացակայության դեպքում, նրան` որպես գոյության միջոց տրված աշխատավարձը և դրան հավասարեցված վճարները, կենսաթոշակները, կրթաթոշակները, նպաստները, կյանքին ու առողջությանը պատճառված վնասի հատուցումը, ալիմենտը և այլ դրամական գումարներ. 4) ի կատարումն գոյություն չունեցող պարտավորության տրված դրամական գումարները և այլ գույքը, եթե ձեռք բերողն ապացուցում է, որ գույքը վերադարձնելու պահանջով դիմած անձը գիտեր պարտավորության բացակայության մասին կամ գույքը տրամադրել է բարեգործական նպատակներով: ՏԱՍՆԵՐՈՐԴ ԲԱԺԻՆ ՄՏԱՎՈՐ ՍԵՓԱԿԱՆՈՒԹՅՈՒՆԸ Գ Լ ՈՒ Խ 62 ԸՆԴՀԱՆՈՒՐ ԴՐՈՒՅԹՆԵՐ &#9878