ԱՐԱՄ ՍԱՐԳՍՅԱՆԻ ԵՎ ԿԱՐԱՊԵՏ ՌՈՒԲԻՆՅԱՆԻ ԱՆՀԱՏԱԿԱՆ ԴԻՄՈՒՄԻ ԸՆԴՈՒՆԵԼԻՈՒԹՅԱՆ ՀԱՐՑԻ ՎԵՐԱԲԵՐՅԱԼ

ՈՐՈՇՈՒՄ

ԱՆՀԱՏԱԿԱՆ ԴԻՄՈՒՄԻ ԸՆԴՈՒՆԵԼԻՈՒԹՅԱՆ ՀԱՐՑԻ ՎԵՐԱԲԵՐՅԱԼ

քաղ. Երեւան

13 հունվարի 2010թ.

Հայաստանի Հանրապետության սահմանադրական դատարանի 1-ին

դատական կազմը.

Նախագահությամբ` Վ. Պողոսյանի

Անդամակցությամբ՝ Կ. Բալայանի

Վ.Հովհաննիսյանի

քննության առնելով ՀՀ քաղաքացիներ Արամ Սարգսյանի եւ

Կարապետ Ռուբինյանի դիմումի ընդունելիության հարցը,

ՊԱՐԶԵՑ

1. Արամ Սարգսյանը եւ Կարապետ Ռուբինյանը ՀՀ

սահմանադրական դատարան են դիմել 22.12.2009թ.: Դիմողները ՀՀ վճռաբեկ դատարանի որոշումները ստացել են փոստով համապատասխանաբար 2009թ. հունիսի 22-ին եւ 2009թ. հուլիսի 23-ին:

2. Դիմողները վիճարկում են ՀՀ քրեական օրենսգրքի 225, 2251 եւ 300 հոդվածների համապատասխանությունը ՀՀ Սահմանադրությանը։

3. Առկա է պետական տուրքի վճարումից ազատելու վերաբերյալ

միջնորդություն։

4. Վիճարկվող դրույթների հակասահմանադրականության

վերաբերյալ դիմողները նշում են, որ ՀՀ քրեական վերը նշված հոդվածները անորոշ, ոչ միանշանակ եւ ոչ հստակ ձեւակերպում են ստացել, հետեւաբար` ենթարկվում են կամայական եւ չափազանց լայն մեկնաբանության, ինչը հակասում է իրավական որոշակիության սկզբունքներն ամրագրող ՀՀ Սահմանադրության 1, 3, 6 եւ 43 հոդվածներին։

5. «Սահմանադրական դատարանի մասին» ՀՀ օրենքի 69 հոդվածի 1- ին մասի համաձայն՝ անհատական դիմում կարող է ներկայացվել ընդհանուր իրավասության եւ մասնագիտացված դատարաններում դատավարության մասնակից հանդիսացած այն ֆիզիկական կամ իրավաբանական անձի կողմից, որի նկատմամբ գործը լուծող վերջնական դատական ակտով կիրառվել է որեւէ օրենքի դրույթ, որը սպառել է դատական պաշտպանության բոլոր միջոցները, եւ որը գտնում է, որ տվյալ գործով կիրառված օրենքի դրույթը հակասում է Սահմանադրությանը։ Ուսումնասիրելով դիմումը եւ կից փաստաթղթերը՝ գտնում ենք որ վիճարկվող դրույթները չեն կիրառվել դատարանների կողմից, այլ դրանք կիրառել է նախաքննության մարմինը, իսկ ՀՀ վճռաբեկ դատարանի` 03.07.2009թ. եւ 27.05.2009թ.

համապատասխան որոշումներում պարզապես արձանագրված է, որ

նախաքննության մարմինը դիմողներին մեղադրանք է առաջադրել հենց վիճարկվող հոդվածներով։ ՀՀ սահմանադրական դատարանի 04.04.2008թ. ՍԴՈ-747 որոշմամբ արտահայտվել է իրավական այն դիրքորոշումը, ըստ որի դատական ակտերում օրենքի այս կամ այն դրույթի վկայակոչումը կարող է դիտարկվել որպես օրենքի դրույթի «կիրառում», երբ անձի համար այն առաջացնում է իրավական հետեւանքներ։ Դիմողների համար

համապատասխան իրավական հետեւանքներ առաջացել են ոչ թե

ընդհանուր իրավասության դատարանների դատական ակտերում

վիճարկվող դրույթների վկայակոչման արդյունքում, այլ նախաքննության մարմնի կողմից, երբ նրանց մեղադրանք է առաջադրվել վերը նշված հոդվածներով։

Ելնելով դիմումի եւ կից փաստաթղթերի ուսումնասիրությունից եւ ղեկավարվելով «Սահմանադրական դատարանի մասին» ՀՀ օրենքի 32 հոդվածի 2-րդ կետով եւ 69 հոդվածի 1-ին եւ 6-րդ մասերով` ՀՀ սահմանադրական դատարանի 1-ին դատական կազմը

ՈՐՈՇԵՑ

1. ՀՀ քրեական օրենսգրքի 225, 2251 եւ 300 հոդվածների` ՀՀ Սահմանադրությանը համապատասխանության հարցը որոշելու վերաբերյալ քաղաքացիներ Արամ Սարգսյանի եւ Կարապետ Ռուբինյանի դիմումի քննությունը մերժել:

2. Դատական կազմի սույն որոշումն ընդունվել է ՀՀ

սահմանադրական դատարանի անունից:

Նախագահող՝

Անդամներ՝

ՀՀ ՍԱՀՄԱՆԱԴՐԱԿԱՆ Դ

ՔԱՐՏՈՒՂ

ՐՈՒԹՅՈՒՆ

ՏԱՐԱՆԻ I Շ Խ US 1 4 0

30

Վ. ՊՈՂՈՍՅԱՆ

Կ. ԲԱԼԱՅԱՆ

ՀՈՎՀԱՆՆԻՍՅԱՆ

13 հունվարի 2010 թվական