«ԹՐԱՆՍՓԱՐԵՆՍԻ ԻՆԹԵՐՆԵՇՆԼ ՀԱԿԱԿՈՌՈՒՊՑԻՈՆ ԿԵՆՏՐՈՆ» Հ/Կ ԵՎ ՔԱՂԱՔԱՑԻ ՌԱՇԻԴ ՄԵԼԻՔՍԵԹՅԱՆԻ ԱՆՀԱՏԱԿԱՆ ԴԻՄՈՒՄԻ ԸՆԴՈՒՆԵԼԻՈՒԹՅԱՆ ՀԱՐՑԻ ՎԵՐԱԲԵՐՅԱԼ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՍԱՀՄԱՆԱԴՐԱԿԱՆ ԴԱՏԱՐԱՆԻ ԹԻՎ 1

ԴԱՏԱԿԱՆ ԿԱԶՄԻ

Ո Ր Ո Շ Ո Ւ Մ Ը

ԱՆՀԱՏԱԿԱՆ ԴԻՄՈՒՄԻ ԸՆԴՈՒՆԵԼԻՈՒԹՅԱՆ ՀԱՐՑԻ ՎԵՐԱԲԵՐՅԱԼ

Քաղ. Երևան

10 հոկտեմբերի 2012թ.

Հայաստանի Հանրապետության սահմանադրական դատարանի

թիվ 1 դատական կազմը

Նախագահությամբ Վ. Հովհաննիսյանի

Անդամակցությամբ Հ. Նազարյանի

Ա.

Խաչատրյանի

Ուսումնասիրելով «Թրանսփարենսի ինթերնեշնլ հակակոռուպցիոն կենտրոն» հ/կ և քաղաքացի Ռաշիդ Մելիքսեթյանի անհատական դիմումով գործը քննության ընդունելու մասին հարցը,

Պ Ա Ր Զ Ե Ց.

Համաձայն ՀՀ Սահմանադրության 101-րդ հոդվածի 1-ին մասի 6-րդ կետի «Թրանսփարենսի ինթերնեշնլ հակակոռուպցիոն կենտրոն» հ/կ և քաղաքացի Ռաշիդ Մելիքսեթյանը 2012թ. սեպտեմբերի 19-ին դիմել են ՀՀ սահմանադրական դատարան խնդրելով.

«Հայաստանի Հանրապետության Սահմանադրության 18 և 19-րդ հոդվածներին հակասող և անվավեր ճանաչել ՀՀ վարչական դատավարության օրենսգրքի 113-րդ հոդվածի 2-րդ և 3-րդ մասերի դրույթները։

Անհատական դիմումի նախնական ուսումնասիրության արդյունքները վկայում են, որ դիմողները պահպանել են ՀՀ սահմանադրական դատարան դիմելու «Սահմանադրական դատարանի մասին» ՀՀ օրենքի պահանջները, այն է

դիմումում առաջադրված հարցերը ենթակա են սահմանադրական դատարանին, դիմողն իրավասու է դիմել սահմանադրական դատարան,

դիմումում առաջադրված հարցի վերաբերյալ առկա չէ սահմանադրական դատարանի որոշում,

դիմողներն սպառել են դատական պաշտպանության բոլոր միջոցները։ Դատական կազմը գտնում է, որ հաշվի առնելով դիմումի և կից փաստաթղթերի ուսումնասիրության արդյունքները և ղեկավարվելով «Սահմանադրական դատարանի մասին» ՀՀ օրենքի 32 և 69-րդ հոդվածների պահանջներով դիմումը «Թրանսփարենսի ինթերնեշնլ հակակոռուպցիոն կենտրոն» հ/կ մասով ենթակա է ընդունման ամբողջությամբ, իսկ երկրորդ դիմողի քաղաքացի Ռաշիդ Մելիքսեթյանի մասով մասնակի, քանի որ ՀՀ վարչական դատավարության օրենսգրքի 113-րդ հոդվածի 3-րդ մասը նրա նկատմամբ չի կիրառվել։

Ելնելով վերոգրյալից և ղեկավարվելով «Սահմանադրական դատարանի մասին» ՀՀ օրենքի 31 և 69-րդ հոդվածներով ՀՀ սահմանադրական դատարանի թիվ 1 դատական կազմը

Ո Ր Ո Շ Ե Ց.

1. «Թրանսփարենսի ինթերնեշնլ հակակոռուպցիոն կենտրոն» հ/կ անհատական դիմումով գործը ՀՀ վարչական դատավարության օրենսգրքի 113-րդ հոդվածի 2-րդ և 3- րդ մասերի սահմանադրականության հարցը որոշելու վերաբերյալ, ընդունել քննության։

Քաղաքացի Ռաշիդ Մելիքսեթյանի անհատական դիմումով գործն ընդունել քննության ՀՀ վարչական դատավարության օրենսգրքի 113-րդ հոդվածի 2-րդ մասի մասով։

2. Սույն գործով դատավարությանը որպես պատասխանող կողմ ներգրավել ՀՀ Ազգային ժողովին։

Նախագահող

Անդամներ

10 հոկտեմբերի 2012 թվականի

ՍԴԴԿՈ/1-22