ԹԱԴԵՎՈՍ ԴԵՐՄԵՆՋՅԱՆԻ ԱՆՀԱՏԱԿԱՆ ԴԻՄՈՒՄՈՎ ԳՈՐԾԸ ՄԱՍԱՄԲ ՔՆՆՈՒԹՅԱՆ ԸՆԴՈՒՆԵԼՈՒ ՄԱՍԻՆ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՍԱՀՄԱՆԱԴՐԱԿԱՆ ԴԱՏԱՐԱՆԻ ԹԻՎ 2 ԴԱՏԱԿԱՆ ԿԱԶՄԻ

Ո Ր Ո Շ ՈՒ Մ Ը

ԱՆՀԱՏԱԿԱՆ ԴԻՄՈՒՄՈՎ ԳՈՐԾԸ ՄԱՍԱՄԲ ՔՆՆՈՒԹՅԱՆ ԸՆԴՈՒՆԵԼՈՒ

ՄԱՍԻՆ

Քաղ. Երեւան

22 հունիսի 2010թ.

Հայաստանի Հանրապետության սահմանադրական դատարանի

թիվ 2 դատական կազմը`

Նախագահությամբ` Մ. Թոփուզյանի

Անդամակցությամբ՝ Հ. Դանիելյանի

Ֆ. Թոխյանի

Ուսումնասիրելով քաղաքացի Թադեոս Դերմենջյանի անհատական դիմումով գործը

քննության ընդունելու մասին հարցը,

ՊԱՐԶԵՑ.

Համաձայն ՀՀ Սահմանադրության 101-րդ հոդվածի 1-ին մասի 6-րդ կետի` քաղաքացի Թադեւոս Դերմենջյանը 10.06.2010թ. դիմել է ՀՀ սահմանադրական դատարան` խնդրելով քննության առնել եւ որոշել Վարչական իրավախախտումների վերաբերյալ ՀՀ

օրենսգրքի 1-ին, 2-րդ, 3-րդ, 4-րդ, 5-րդ, 6-րդ, 7-րդ եւ 165-րդ հոդվածների համապատասխանությունը ՀՀ Սահմանադրությանը: Տվյալ անհատական դիմումի նախնական ուսումնասիրության արդյունքներով հիմնավորված է, որ սույն դիմումը մասամբ` նշված օրենսգրքի 1-7-րդ հոդվածների մասով, ակնհայտ անհիմն է, քանի որ դիմողն իրավաբանորեն չի հիմնավորել իր սահմանադրական

իրավունքների ենթադրյալ խախտման փաստի եւ վիճարկվող դրույթների միջեւ անմիջական

պատճառահետեւանքային կապի ուղղակի առկայությունը /ՀՀ սահմանադրական դատարանի 2009թ. մարտի 17-ի ՍԴԱՈ-21 աշխատակարգային որոշման 8-րդ եւ 9-րդ կետեր/: Բացի դրանից, ՀՀ սահմանադրական դատարանի թիվ 2 դատական կազմն

արձանագրում է նաեւ, որ դիմողի կողմից փաստորեն անտեսված է «Սահմանադրական

դատարանի մասին» ՀՀ օրենքի 69-րդ հոդվածի 1-ին մասի պահանջն առ այն, որ դիմողի

նկատմամբ գործը լուծող վերջնական դատական ակտով անհրաժեշտաբար պետք է

կիրառված լինի որեւէ օրենքի դրույթ կամ դրույթներ: Ներկայացված եւ ուսումնասիրված դատական ակտերից անվերապահորեն հետեւում է, որ դիմողի նկատմամբ ընդհանուր իրավասության դատարանների կողմից ակնհայտորեն կիրառված չեն վերը

հիշատակված օրենսգրքի 1-7-րդ հոդվածները, ինչպես նաեւ նույն օրենսգրքի 165-րդ

հոդվածի 2-5-րդ մասերը /պարբերությունները/:

Վարչական իրավախախտումների վերաբերյալ ՀՀ օրենսգրքի 165-րդ հոդվածի

1-ին մասի /պարբերության/ մասով սույն անհատական դիմումի քննությունը մերժելու`

օրենքով սահմանված հիմքերը բացակայում են, քանի որ դիմողի կողմից պահպանվել

են ՀՀ սահմանադրական դատարան դիմելու համար օրենքով սահմանված ընդունելիության բոլոր պայմանները: Տեղին է մատնանշել, որ ՀՀ մարդու իրավունքների պաշտպանի կողմից ՀՀ

սահմանադրական դատարան է ներկայացվել դիմում /մտից թիվ 1-169, 11.06.2010թ./,

համաձայն որի` ի թիվս Վարչական իրավախախտումների վերաբերյալ ՀՀ օրենսգրքի

մի շարք այլ հոդվածների, վիճարկվում է նաեւ նշված օրենսգրքի 165-րդ հոդվածի

1-4-րդ մասերի` ՀՀ Սահմանադրությանը համապատասխանելու պարագան: Գործի

դատաքննությունը նշանակված է 16.11.2010թ. /«Սահմանադրական դատարանի մասին»

ՀՀ օրենքի 39-րդ հոդված/:

Ելնելով վերոգրյալից եւ ղեկավարվելով «Սահմանադրական դատարանի մասին»

ՀՀ օրենքի 32-րդ հոդվածի 2-րդ եւ 6-րդ կետերով, 69-րդ հոդվածի 1-ին եւ 7-րդ մասերով,

ՀՀ սահմանադրական դատարանի կանոնակարգի 26-րդ հոդվածով` ՀՀ սահմանադրական դատարանի թիվ 2 դատական կազմը

ՈՐՈՇԵՑ.

1. Քաղաքացի Թադետս Դերմենջյանի անհատական դիմումով գործը` Վարչական իրավախախտումների վերաբերյալ ՀՀ օրենսգրքի 165-րդ հոդվածի 1-ին մասի /պարբերության/ մասով ընդունել քննության:

2. Սույն գործով դատավարությանը որպես պատասխանող կողմ ներգրավել ՀՀ

Ազգային ժողովին:

3. Տվյալ անհատական դիմումով գործի քննության ընդունումը` Վարչական

իրավախախտումների վերաբերյալ ՀՀ օրենսգրքի 1-ին, 2-րդ, 3-րդ, 4-րդ, 5-րդ, 6-րդ,

7-րդ հոդվածների, ինչպես նաեւ 165-րդ հոդվածի 2-5-րդ մասերի մասով մերժել:

ԿԱՆ ԴԱՏԱՐԱՆԻ

Նախագահող՝

Անդամներ`

3 ՔԱՐՏՈՒՂԱ=

ՄԱՆԱԴՐԱԿԱՆ

ԹՅՈՒՆ

[անընթեռնելի]

22 հունիսի 2010 թվականի

ՍԴԴԿՈ/2-21