ՀՀ ՀՈՂԱՅԻՆ ՕՐԵՆՍԳԻՐՔ — Հոդված 101 — ՀՈՂԱՄԱՍԻՑ ՀՐԱԺԱՐՎԵԼԸ 1.

Հ ՈԴՎԱԾ 101. Հ ՈՂԱՄԱՍԻՑ ՀՐԱԺԱՐՎԵԼԸ 1. Հողամասի նկատմամբ իրավունքները դադարում են նման իրավունքներ ունեցող քաղաքացու կամ իրավաբանական անձի` հողամասից կամովին հրաժարվելու մասին դիմումի հիման վրա:

2. Հողամասից կամովին հրաժարվելու դեպքում քաղաքացիները կամ իրավաբանական անձինք այդ մասին դիմում են ներկայացնում համայնքի վարչական սահմաններում համայնքի ղեկավարին:

3. Դիմումն ստանալուց հետո` 15-օրյա ժամկետում, համայնքի ղեկավարը կայացնում է որոշում համապատասխան հողամասը համայնքային սեփականություն ճանաչելու վերաբերյալ: Համայնքի ղեկավարի որոշումը ենթակա է պետական գրանցման` օրենսդրությամբ սահմանված կարգով:

4. Հողամասի վարձակալության իրավունքից կամավոր հրաժարվելու դեպքում վարձատուն լուծում է վարձակալության պայմանագիրը, եթե այլ բան նախատեսված չէ պայմանագրով: (101-րդ հոդվածը փոփ.

26.12.08 ՀՕ-9-Ն , 18.06.20 ՀՕ-330-Ն )