ՀՀ ՕՐԵՆՔԸ ՊՐՈԲԱՑԻԱՅԻ ԾԱՌԱՅՈՒԹՅԱՆ ՄԱՍԻՆ — Հոդված 3 — Պրոբացիայի ծառայության համակարգը 1.

Հոդված 3. Պրոբացիայի ծառայության համակարգը 1. Պրոբացիայի ծառայությունը կազմված է կենտրոնական մարմնից և տարածքային մարմիններից: Կենտրոնական մարմինը բաղկացած է հիմնական մասնագիտական և աջակցող մասնագիտական կառուցվածքային ստորաբաժանումներից: Տարածքային մարմինները գործում են բաժնի կարգավիճակով:

2. Պրոբացիան իրականացվում է կենտրոնական մարմնի հիմնական մասնագիտական, այդ թվում՝ վերասոցիալականացման և վերականգնողական ստորաբաժանումների և տարածքային մարմինների կողմից:

3. Պրոբացիայի ծառայության կանոնադրությունը, հաստիքացուցակը հաստատում է (օրենսդրությամբ սահմանված ենթակայությանը համաձայն) համապատասխան մարմնի ղեկավարը (այսուհետ՝ Նախարար):

4. Պրոբացիայի ծառայության կենտրոնական և տարածքային մարմիններն ունեն Հայաստանի Հանրապետության զինանշանի պատկերով և հայերեն անվանմամբ կլոր կնիք, միասնական նմուշի ձևաթղթեր, խորհրդանիշ և կարող են ունենալ անհատականացման այլ միջոցներ:

5. Պրոբացիայի ծառայության կենտրոնական և տարածքային մարմինների կողմից օգտագործվող կնիքի, միասնական նմուշի ձևաթղթերի, խորհրդանիշի, անհատականացման այլ միջոցների նկարագիրը հաստատում է Նախարարը: (3-րդ հոդվածը փոփ., լրաց.

07.02.24 ՀՕ-48-Ն)