ՀՀ ՕՐԵՆՔԸ ՀՀ 1998 ԹՎԱԿԱՆԻ ՊԵՏԱԿԱՆ ԲՅՈՒՋԵԻ ՄԱՍԻՆ — Հոդված 13 — Թույլատրել Հայաստանի Հանրապետության կառավարությանը` ա) 1998 թվականին, անհրաժեշտության դեպքում, սույն օրենքի 1 հոդվածով հաստատված հատկացումների ընդհանուր գումարի երեք տոկոսի սահմանն

Հոդված 13. Թույլատրել Հայաստանի Հանրապետության կառավարությանը` ա) 1998 թվականին, անհրաժեշտության դեպքում, սույն օրենքի 1 հոդվածով հաստատված հատկացումների ընդհանուր գումարի երեք տոկոսի սահմաններում վերաբաշխել դրանք ըստ սույն օրենքի 6 հոդվածով հաստատված ծախսերի գործառնական դասակարգման առանձին խմբերի և ենթախմբերի, ինչպես նաև ենթախմբերի ներսում, այն պայմանով, որ թույլ չտրվի սույն օրենքով յուրաքանչյուր ենթախմբի գծով նախատեսված հատկացումների ծավալի կրճատում 15 տոկոսի չափով, ավելացում` 30 տոկոսի չափով. բ) 1998 թվականի ընթացքում պետական ձեռնարկությունների և անավարտ շինարարության օբյեկտների սեփականաշնորհումից սույն օրենքի 2 հոդվածով նախատեսվածից ավել ստացված միջոցները, բայց սույն օրենքի 4-րդ հավելվածով սահմանված ծավալից ոչ ավելի, ուղղել հիշյալ հավելվածով սահմանված ծախսերի ֆինանսավորմանը. գ) Եվրոմիության նկատմամբ Հայաստանի Հանրապետության պարտավորությունների մարման նպատակով պետական ձեռնարկությունների և անավարտ շինարարության օբյեկտների սեփականաշնորհումից գոյացած միջոցներից հատկացնել 5,5 միլիարդ դրամ: (13-րդ հոդվածը լրաց. 01.12.98 ՀՕ-263)