ՀԱՐՈՒԹՅՈՒՆ ԽԱՌԱՏՅԱՆԻ, ԱՐՄԵՆ ԱԲՐԱՀԱՄՅԱՆԻ ԵՎ ԱՆԴՐԱՆԻԿ ՂՈՒԿԱՍՅԱՆԻ ԱՆՀԱՏԱԿԱՆ ԴԻՄՈՒՄԻ ԸՆԴՈՒՆԵԼԻՈՒԹՅԱՆ ՀԱՐՑԻ ՎԵՐԱԲԵՐՅԱԼ

ՈՐՈՇՈՒՄ

ԱՆՀԱՏԱԿԱՆ ԴԻՄՈՒՄԻ ԸՆԴՈՒՆԵԼԻՈՒԹՅԱՆ ՀԱՐՑԻ ՎԵՐԱԲԵՐՅԱԼ

քաղ. Երեւան

24 հոկտեմբերի 2006թ.

Հայաստանի Հանրապետության Սահմանադրական դատարանի I-ին դատական կազմը

Նախագահությամբ` Հ. Դանիելյանի

Անդամակցությամբ` Վ. Հովհաննիսյանի

Ռ. Պապայանի

Քննության առնելով ՀՀ քաղաքացիներ Հարություն Խառատյանի, Արմեն Աբրահամյանի եւ Անդրանիկ Ղուկասյանի դիմումի ընդունելիության հարցը

ՊԱՐԶԵՑ

Քաղ-եր Հ. Խառատյանը, Ա. Աբրահամյանը եւ Ա. Ղուկասյանը դիմել են Սահմանադրական դատարան, վիճարկելով ՀՀ Աշխատանքային օրենսգրքի 73 հոդվածի եւ 75 հոդվածի 3 մասի սահմանադրականությունը։ Ներկայացված դիմումը համապատասխանում է ՀՀ Սահմանադրության 101 հոդվածի 1-ին մասի 6 կետի, Սահմանադրական դատարանի մասին օրենքի 27. 28 հոդվածների եւ 69 հոդվածի 1. 2, 4, 5 կետերի, ինչպես նաեւ ՀՀ Սահմանադրական դատարանի Կանոնակարգի պահանջներին։ Պահպանվել է Սահմանադրական դատարան դիմելու`

օրենքով նախատեսված ժամկետը եւ մուծվել է պետական տուրքը։

Դիմողները սպառել են դատական պաշտպանության բոլոր միջոցները եւ գտնում

են, որ իրենց նկատմամբ կիրառված օրենքի դրույթը հակասում է Սահմանադրությանը։

Ղեկավարվելով Սահմանադրական դատարանի մասին օրենքի 69 հոդվածի 6 կետով, Սահմանադրական դատարանի 1-ին կազմը

ՈՐՈՇԵՑ

Հ. Խառատյանի, Ա. Աբրահամյանի եւ Ա. Ղուկասյանի դիմումը` ՀՀ Աշխատանքային օրենսգրքի 73 հոդվածի եւ 75 հոդվածի 3 մասի սահմանադրականությունը վիճարկելու մասին, ընդունել քննության, կազմել գործ, որով պատասխանող ճանաչել ՀՀ Ազգային Ժողովին։

Նախագահող` Հ. Դանիելյան

Անդամներ՝ Վ. Հովհաննիսյան

Ռ. Պապայան